9 REKENING GAIB,KHOTBAH JUM'AT BASE SASAK TENTANG SEDEKAH

9 MACAM TABUNGAN/REKENING AMAL YANG TAK BISA HABIS.

(Mukaddimah dan ayat Al-qur'an silahkan ditentukan oleh khatib sesuai tema khotbah).

==================================

Hadirin jamaah jum'at rahimakumullah. 

Setiep tiang pelungguh pasti arak cite-cite melet bedowe tabungan,melet bedowe simpenan sik ndekne inik buek.Mawinan nike,elek kesempatan khutbah mangkin niki tiang gen sampeang 9 macem tabungan gaib sik ndekne gen inik buek.Saipun juak bau bedowe tabungan,sugeh atau miskin,nine atau mame,dengan toaq ataupun kanak,selapukne pade ntan bedowe kesempatan mauk simpenan gaib niki.Ye molah laguk kadang kadang seringte pade sepeleang.

Hadirin Rahimakumullah

Tabungan amal sik pertame.

Lamun arak isikte beli kereng,telekung,sajadah atau bahkan sandel,silak beli ampoq toloq elek masjid  jari sedekah.Maka  setiap  kali  dengan jari kadu kereng,telekung,ketopong,sejadah atau sandel nike sembahyang elek masjid,maka  pahale dengan sik sembahyang nike gen mengalir tipak dengan sik sedekahang kereng,telekung,sejadah atau sandel,tanpa berkurang pahale dengan sik sembahyang selame barang sik side tiang sedekahang ojok masjid baruk nike maseh tetep te kadu.Ndekne beridap side tiang sampun bedowe tabungan gaib.

Tabungan amal sik kedue.

Lamun arak pembangunan masjid atau musholla,sumbangang mane-mane aiq gelas,semen,keramik,bahan-bahan kayu,geres,batu,dll.Ndekne perlu beleq sik penting arak bentuk sumbangan jariyahte. Bahkan mane-mane keran jeding masjid sekalipun.Maka selame masjid atau musholla nike maseh nganjeng dait tetep tekadu ibadah,pahale kebaikanpun gen terus mengalir dakaq jak tiang pelungguh sampun ninggal dunie.

Hadirin rahimakumullah.

Rekening sik ke telu.Lamun arak kepeng, belilah  Al  Quran kemudian toloq elek masjid-masjid  atau  elek balen guru-guru sik ngajahang ngaji,Maka  selama  Qur’an  sik pelungguh sedekahang baruk terus te bace isik kanak ngaji,setiep hurupne gen jari pahale tipak dengan sik bersedekah Al-Qur'an baruk nike.Rasulullah Muhammad SAW bebase:

"Khairukum man ta'allamal qur'an wa allamahu".Artine:Sesolah solah umatku yakni dengan sik berajah al-qur'an dait ngajahang Al-qur'an.

Tabungan Amal sik keempat.

bersedekahlah  tipak pondok pesantren atau madrasah sik khusus tahfizul qur'an atau TPQ,sengaq elek tempat nike taokne te ajahang al-qur'an.Maka setiep kali Al-qur'an nike te bace hingge tamat bahkan jangke ne toaq iye jari bacaan sholatne,dengan sik bersedekah nike tercatet jari perantare dait pembuka jalan kebaikan.

Tabungan amal  sik kelima

Peliharaq anak yatim marak ibarat side tiang bedowe atau beli nyawe sik kedue. Saat ite wak toaq dait ninggal dunie, sementara anak yatim sik peliharakte sere beleq,maka selapuk amal anak yatim nike mengalir ojok pelungguh sik jari peleharaq waktune kodek.

Hadirin rahimakumullah. 

Tabungan amal  sik keenam.

Ndak lupak bejonjok ojok guru, sik ngajahang setiep jelo dengan ikhlas.Lamunte girang bejonjok ojok guru ibarat side tiang milu nabung amal elek guru nike,sengak karena bantuan sedekah nike jari perpanjang dakwah sang guru. 

Rekening sik ke pituq yakni talet lolon kayu.

Talet lolon kayuk nike loek manfaatne, Apelagi lolon kayuk sik tetalet nike mampu idup  ratusan  taun.Selain  membantu  sediaang  oksigen isikte berembok,sai-sai nyembao elek bawak lolon kayuk nike gen terhitung jari catetan amal sholeh ojok dengan sik jari talet lolon kayuk.

Tabungan amal sik ke baluq. 

Beli kursi rode atau tongkat ojok dengan sik kepaq atau ndekne nyerioq,nikepun termasuk jari amal jariyah tidak side tiang sik ngamalang kursi rode atau tongkat.

Hadirin rahimakumullah.

Tabungan amal sik ke 9 atau sik terakhir ,yakni berebeng nasehat atau sebarang informasi sik bermnafaat. 

Mudah-mudahan khotbah niki jari mofivasi adekte terus memupuk semangat beramal sholeh,semate-mate lillahi ta'ala.Aamin.

بَارَكَ اللهُ لِى وَلَكُمْ فِى الْقُرْآنِ الْكَرِيْمِ وَنَفَعَنِى وَاِيَّاكُمْ بِمَافِيْهِ مِنَ اْلآيَاتِ وَالذِّكْرِالْحَكِيْمِ وَتَقَبَّلَ اللهُ مِنَّاوَمِنْكُمْ تِلاَوَتَهُ اِنَّهُ هُوَ السَّمِيْعُ الْعَلِيْمُ

Khutbah II 

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ
 أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ فَياَ اَيُّهَا النَّاسُ اِتَّقُوااللهَ فِييْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِككَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلّلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْحْسَانٍ اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُممَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ

  

Berbagi :